الرئيسية
نفسى مره ابقى حد
أى حد
بس حد يكون كويس
ان شالله حتى اكون فقير
او غفير
عمرى ماحلمت ابقى ريس
نفسى لما يبقى الحق واضح
محاولش اداريه
و لما يكون الظلم فاضح
ماروحش اجاريه
نفسى لما اشوف غريق
امسك ايديه
ولما الاقى واحد جريح
اروح اداويه
نفسى اكون اى حد
نفسى لما اسمع ادان
الاقى قلبى بينتعش
ولما اقرا فى القران
ارتجف وارتعش
ولما يجينى يوم مسكين
اعامله حلو مش وحش
نفسى اكون اى حد
نفسى لما الاقى الظلمه
اضوى فيها الف شعاع
نفسى ارسم بأيدى بسمه
فوق شفايف الاوجاع
نفسى ابقى حفنه صبر
كل اوقات الوداع
اصله صعب قوى الوداع
صعب الوداع
صعب الوداع
نفسى مره ابقى حد
أى حد
بس حد يكون كويس
