الرئيسية
حسيت انك متضايق والحياه وقفت معاك
حاسس دايما بالغدر وبالكدب والنفاق
شايف انك انت بجد هترتاح وانت هناك
طيب قولي عملت ايه يبقي ليك طوق النجاه ؟!
بعدت عنه طيب يبقي ليه عايز السعاده
وانت عارف انه خلقك اصلا علشان العباده
راجع تاني كدا نفسك خلي عندك اراده
دي الحياه في القرب منه بجد اجمل حياه
متفكرش تبعد تاني وكفايه كل اللي فات
واللي فات اعتبره ماضي (( ماضي وحش ومات ))
متسبش نفسك لحد يلعب بيك بالكلام
يابني تعالي بس وجرب (( صدقني هتبقي تمام ))
ارجع من هنا لربك واندم علي كل المعاصي
واعرف انت اد ايه كنت علي نفسك ااسي
انوي التوبه بس بجد ربنا هيقبلها منك
وارفع ايدك وادعي ليه انه دايما يقف جانبك
وهو دايما موش هيسيبك وهيفضل دايما معاك
وهينجيك من الشر ومن طريق الهلاك
هيخليك انسان تاني انسان كله ايمان
انسان حياته ربه وباقي حياته القرآن
سيبك بقي من الكبر والغدر والغرور
هو هنا طريق واحد طريق اسمه النور
هتمشي فيه علي طول موش هتلف فيه وتدور
هتمشي فيه راجل كدا طول الحياااه
وبعد ما حسيت ان الحياه خلاص
روحت راجع تاني لربك ودعيت باخلاص
شوف الفرق بقي دلوقتي بقي عامل ازاي
شوف الفرق ازاي اتغير حتي في معامله الناس.
متفكرش تبعد تاني وكفايه كل اللي فات
واللي فات اعتبره ماضي (( ماضي وحش ومات ))
الحياه هتبقي احلي في سكه الايمان
الحياه هتبقي احلي في سكه القرآن
