الرئيسية
السلام عليكم ورحمة الله وبركاته
موضوع النهارده من كتابتى انا
وبصراحه انا كنت محتارة اكتبه فى اى قسم
بس قلت اكتبه هنا علشان عاوزه انكم تقولوا ارائكم
بس انا عاوزه اقولكم على كذا مشهد بنشوفه كلنا
المشهد الاول
الزوج: مش تكلمى جارتنا فلانه لانها مش كويسه
الزوجه :ليه
الزوج: هو كده اسمعى الكلام
المشهد التانى
الام او الاب للابناء: متكلموش فلان او فلانه او اصدقاءكم دول
الابناء : ليه
الاباء والامهات: كده اسمعوا الكلام
المشهد التالت
وده اهم مشهد عاوزه اتكلم عنه
الصديق لصديقه: متكلمش صاحبنا ده
الصديق: ليه
الصديق لصديقه : هو كده ده مش كويس ومش تسالنى ليه
سؤالى هو ايه معنى كلمه مش كويس دى
وهل على الانسان يحكم على تعاملات الاشخاص معه على اساس تعامله مع الاخرين
ولما الشخص اللى قدمنا مش كويس ليه مش بنقول اخطاءه علشان نتلاشها
وهل ممكن تقطع علاقتك بشخص لمجرد ان حد قالك ان الشخص ده مش كويس كده وخلاص
اتمنى اعرف ارائكم
وبشكر شخصين هم اللى السبب الرئيسى فى كتبتى الموضوع ده
الشخصين هم
الشخص الاول: الكويس او اللى شايف نفسه كده وعلشان هو اتصرف غلط شايف الى قدامه مش كويس
الشخص التانى: اللى مفروض هو مش كويس مع انى شايفه غير كده
شكرا للجميع واسفه للاطاله
