الرئيسية
السلام عليكم ورحمة الله وبركاته
انا دلوقتى لسه فى اول اليوم وبصراحه انا كنت داخله اكتب انى الايام دى بجد حاسه بحاله من الفرح معرفش ليه من غير سبب مبسوطه ليه معرفش هو كده
بس بصراحه طبعى ديما غالبا بدور على حاجه تنكد عليا
انا من يوم ما اتخرجت مش بعمل شى حتقولوا انى بخرج واشتغل وانى احسن من غيرى كلامكم صح بس الشغل برضه روتين ورتين جامد كمان انا تقريبا اغلب الوقت اما تليفزيون او نوم حتى القراءه فى المصحف بتطلتها وبزهق بسرعه ومقدرش اكمل قرايه جزء حتى مع انى فاضيه
انا مش شايفه بكرة بالنسبه ليا عامل ازاى هل ممكن يجى الوقت واشتغل فعلا وهل حاكون مبسوطه لو اشتغلت ازاى ما انا حاموت على الشغل دلوقتى معرفش اسئله كتير جوايا
وبجد متلخبطه جامد
انا صحيح مبسوطه الايام دى وعاوزه اضحك طول الوقت بس انا حاسه ان فى حاجه حتحصل مش حلوة ربنا يستر
بس انا بتعصب اوى نفسى ابطل عصبيتى دى ومش عارفه اعمل ايه ممكن اكون فى قمة الفرح وفى لحظه بقلب ومن غير سبب من وجهه نظر الاخرين
الاسبوع اللى فات كنت حاسه بملل رهيب بس الاسبوع ده والايام اللى فاتت دى مع انه نفس الروتين ونفس الحياة بس بصراحه معنديش استعداد حد ينكد عليا نفسى اضحك واهزر واخرج من الجو ده شويه
ربنا يعديها على خير
اكتر حاجه كمان مضيقنى الايام دى ان بعض الاصدقاء بيكون بينا صداقه جميله جدا وبعد فترة بيقلب الموضوع معهم لحاجات تانيه وانا مش عاوزه غير الصداقه وبس
اما البنات فى حاجه غريبه كل واحده مفكرنى ملكها بمعنى انى ما كلمش غيرها مش اسلم على صديقه تانيه
وبيغيروا عليا بطريقه لاتحتمل ولما اعترض بيروح من غير اى سؤال تانى
بجد انا بخسر ناس كتير بسبب الموضوع ده انا مش عارفه الغلط عندى ولا عندهم وهل هو لازم يكون عندى صديقه واحده بس
وليه ديما الشبابا مش بيعترفوا بالصداقه بين الولد والبنت والموضوع بيقلب معهم فى الاخر
ساعات باقول لنفسى انى السببب انى بوصلهم لكده
بس انا بعمل تقريبا الكل بنفس الطريقه والاسلوب وساعات بضيق اللى بيكلمونى كتير لدرجه انا باكون بعدها بحس انى كنت قليله الزوق
شكلى طولت النهارده وكمان اتاخرت على شغلى اشوفكم وقت انى ان شاء الله
سلام دلوقتى
