الرئيسية
حبيبى
حبيبى حكاية عشقها الجميع حروفها بداية لغنوى الربيع
وميت الف وردة وفولاية شاردة عبيرها ندى
حبيبى يا بكرة ياعمرى الى عدى
حبيبى يا فكرة فى دنيانا شاردة
وخاطر نادانى وقمرة تلالى و بلبل شدى
حبيبى حبيبى حبيبى حبيبى
قلبى
قلبى يا قلبى شبكتك مهرك كاس دمى
يا كل شرايينى تعالى اتجمعى اتلمى
ح اعملها خيط من نور ح الضم فصوص قلبى
كردان داير ما يدور وحلق دورين عربى
راح اعمل الحكايات خلخال بدلايات
ومشالله م الفضه فىالنور بتتوضى
فيها اية الكرسى مع صورة الاخلاص
كان ياما كان
كان ياما كان فى اجمل الاوطان قمرايا وعروسة
وطلة وشموسة وسكة فى الوادى ونهر موجة هادى
وبيت جميل قريب وحصان عجوز وطيب
وراجل اسمرانى مصاحب الشجرة والنهر والنجم
وراجل اسمرانى مصاحب الشجرة والشمس فى العالى
يا طالع الشجرة هتلى معاك قمرة عيونها بصاصة واديها حساسة
يا طالع الشجرة هتلى معاك قمرة اسهر واغنيلك احلب واسقيلك
يا ضيك القمحى يا غنوتى وفرحى ايدك على ايدى صوتك على صوتى
عطشك على عطشى يا غنوتى وفرحى
ازيس
يا ازيس ما تدوريش ولا تسأليش ولا تتعبيش
ارجوكى تانى ما تحلميش
اصل الحقيقة تبقى فى الاخر حقيقة
ديما تعيش عنوان لعالم خان ولا يختشيش
لملمينى علمينى واكتبينى حروف للاسمك
جمعينى جمعينى وارسمينى زى رسمك
واكتبى من فوق جبين البسملة
وارسمى فوق ننى عينى الزلزلة
وعلقينى نبات عنيكى خمسة وخميسة
وحجاب وكتاب يخبط كل باب ويكون جواب للمسألة
بركان بركان يخد الزنزنا
بكـــــــــار
يا ابو كف رقيق وصغير
وعيون فنان محتار
يا ابو ضحكة وصتها فى قلبة
بيضوى الف نهار
بكار بكار بكار بكار
شمس بلادك وجدودك بتسمى على حوليك
شمس بلادك وجدودك بتبوس يا صغيرى اديك
الكون مفتوح قدامك ابدر جواة احلامك
هات رشتك هات الوانك وارسم ع الارض مكانك
هات رشتك هات الوانك وتعالى نعيد يا صغيرى
وتعالى نعيد من الاول شكل الاشياء ونلون
نرسم اول ما هنرسم نرسم لمة واصحاب
نرسم اول ما هنرسم قمرة وحصان وكتاب
بكـــــــــار
من صغرة وصغر سنة عارف معنى انة
من قلبة وروحة مصرى والنيل جواة بيسرى
تاريخ ارضة وبلادة بيجرى جوة دمة
من قلبة وروحة مصرى والنيل جواة بيسرى
اصحابة كتير كتير قدة وقدهم
طابور الصبح تضرب اجراسة تلمهم
و موسيقى نشيد بلادى بتجرى فى دمهم
تمرين اول وتانى وسؤال فى عنينا تانى
يا بلادى انا امتى هكبر واطول النخل واقدر
واقطف من ورد تشكى واعملك عقد مرمر
من قلبة وروحة مصرى والنيل جواة بيسرى
علمونى عنيكى
عنيكى أسافر علمونى أفضل مهاجر
علمونى أكون مسامح زى نبع الحب صافى
علموني اعشق صحابي وانسى وياهم عذابي
والغريب لو دق بابي يرتوي من نبع صافي
علموني ولفوا بيا دنيا غيرالدنيا ديه
طعم تاني وحاجة تانية ده انت نبع الحب صافي
دنيا رايحة
دنيا رايحة و دنيا جاية مرة رايحة و مرة جاية
تخلى بيكم ولا بيا دور عليكو و دور عليا
ياما ياما كتير حكينا ع الى بكرة هيجرى لينا
من عشمنا كتير حلمنا والى مقسوم بردة لينا
قسمة حلوة ولا قسوة ولا ايام مش هنية
طمنينا ما تتعبينا داللى دقناه مش شوية
اة يا خطوة اة يا شردا بكرة مش زى النهاردة
بكرة يجى يبل ريقى وخطوتى هنكون حبيبى
حتحلى بينا و تجري بينا تبتسم والله في عنيا
حتبقى حلوه ..بقسمه حلوه
باقيه على العشره و عليا
يا صبيه
يا صبيه يا يا حنينه اتمايلى على كيفى انا
وميلى ميلى يا صبيه دانتى فى ليلى سفريه
عطشان و مين غيرك سبيل دانتى الفرح و انتى الدليل
خللى الكلام يحلى بنا فى ليلة صافية يضمنا
على اد ما بنعشق نطول على اد ما بنحلم ننول
وكل خطوة تضمنا الدنيا تصبح ملكنـا
يا نسمة انا بتنسمك يا صورة حلوة برسمك
يا بحر بياخدنى معاه انا اوله انا منتهاه
يا صبيه يا يا حنينه اتمايلى على كيفى انا
أمانة يا بحــــــــر
أمانة يا بحــــــــر تستلم الأمانة
أحبابنا يا بحــــــــــر فى عيونك أمانة
أمانة ياموج بوس خشب المراكب
أمانة ياموج طبطب على اللى راكب
أمانة ياهوا تكتب على الشراع اللقا أكيد من بعد الوداع
امانة يا سما حسبى على الاحباب احميهم يا سما دول فى البحور اغراب
أمانة ياهوا تكتب على الشراع اللقا أكيد من بعد الوداع
أمانة ياطير وصلهم بالسلامة
أمانة يابحر رجعهم بالسلامة
أمانة ياهوا تكتب على الشراع اللقا أكيد من بعد الوداع
قول للغريب
قول للغريب حضنك هنا دربك قريب من دربنا
بيتك هنا اهلك هنا حزن البشر ده حزننا
عيون حبيبتي الطيبين بيعلموني اكون حنين
ده مفيش ما بينا لا و ليه ولا كدب نتأسف عليه
عالم صغير بيضمنا يرسم ويمحى اسمنا
نتلاقى فيه من غير ميعاد ونصير بعاد من غير بــــــــــــلاد
قول للغريب فرجه قريب قول للغريب فجره قريب
عالم صغير على قدنا
فى عنيكى غربة
فى عنيكى غربة و غرابة و انا فيكى مغرم صبابة
احلم على شالك انام كأني فرد من الحمام
برموش عينيك تغطيني رمشك شطوط طب رسيني
انتي انا و بكره ليا و ليكي
شعرك خيوط قمر المسا طب ليه فى ليلك بتنسى
بين المسا وقمر المسا طب ليه فى ليلك بتنسى
اتكلمى ولا نادينى صمتك كلام بيدفينى
انتي انا و بكره ليا و ليكي
أمتى أتقابلنا وليه وفين لحظة قدر ولا حنين
ولا ألتقينا من زمان مولودة جوايا من زمان
انتي انا و بكره ليا و ليكي
يا عذاب النفس
يا عذاب النفس واخدنى لفين
قضيت واياك .. الليلة بسنين
ياعذاب نفسى .. مرايتى وهمسى .. يومى وغدى
آلامى أمسى .. واخدنى لفين
ياعذاب نفسى ..............
يا طريق ماشي وماشى وياه
مين فينا واخد التانى معاه
ياطريق عمرى ..أنا من صغرى شمسى.. نفسى
آلامى أمسى .. واخدنى لفين
ياعذاب نفسى ..............
يا عذاب النفس واخدنى لفين
قضيت واياك .. الليلة بسنين
ياعذاب نفسى .. مرايتى وهمسى .. يومى وغدى
آلامى أمسى .. واخدنى لفين
ياعذاب نفســــــــــــى
يا اماه
مسكينة حبيبتى السمره دى اميرة وطاهرة وصابره
دوامت الدنيا خدتنى ورجعت اقول يا اماه
يا اماه يا اماه يا اماه انا راجع زى زمان يا اماه
طفل فى عينى الاحزان يا اماه غلطان انا فى العنوان
روحت بعيون عطشانين التقى بنبع الحنين
ياما دقيت ع البيبان بس مين يسأل فى مين
سامحينى حبيبتى يا سمر ا واغسلينى بطهرك ياماه
دى الحقيقة عيونك انتى انتى يا امى وحبيبتى
مين يا ناس خدنى انا و مين يا ناس جبنى هنا
حلم كان فى دنيا تانية دنيا مولودة هنا
سامحينى حبيبتى يا سمر ا واغسلينى بطهرك ياماه
دى الحقيقة عيونك انتى انتى يا امى وحبيبتى
رزقنــــــــــــا
رزقنا الرزق على الله
دربنا خليها على الله
بعشق الدروب و الدروب قلوب
و يهون الله
صابرة زينا
يفرجها الله
صورة مننا
و بنحمد الله
فيها جرحنا فيها فرحنا
و الدايم الله
نفسنا
الرزق على الله
حلمنا
خليها على الله
تصدق الوعود و الغريب يعود
و يهون الله
دا احنا عمرنا
يفرجها الله
صافي قلبنا
و بنحمد الله
دا احنا للحياه و هي دي الحياه
و الدايم الله
بنتــــــــــــــــــــــــــــــــــــــــولد
بنتولد طاهرين بنتولد شبعانين بنتولد متلهفين
على صدر ام وكتف اب مرتاحين
بنتولد باكين بنتولد مش عارفين
بنتولد مش خايفين واسمنا فى درب الحياة بنى ادمين
بنتولد دفيانين بنتولد صافيين بنتولد صادقين
كما زرعة خضرا فى ارض طين زرعة احصادها احصاد عمر السنين
الحلو و المر و الطيب و الحزين
بنتولد مش داريين بالرايحين والجايين
نكبر، وتكبر فينا أعمار السنين
بنكره السنين وتكرهنا السنين
ونجرح البشر ونجرح نفسنا مع إننا بنتولد...
سيلي
سيلي يا نسمة سيلي يا نسمة في ليلي
ع الحبيبة وسلميلي وارجعيلي
سيلي يا نسمة و قولي لىام قلب دهب و لولي
عمري ليكي روحي فيكي ليكي شوقي وليكي ميلي
ياابتسامة سمرة نيلي تسلميلي
يا حبيبتي الحب داري وانتي نوري وانتي ناري
دا انتي انتي لما بنتي في الهوا نورتي ليلي
يا ابتسامة سمرا نيلي تسلميلي
سؤال
سؤال..بسألك إيه آخرة الترحال وسهر الليالي وكل يوم بحال
سؤال..بسألك ايه اخرة الاحزان دمعتي موالي و الحنين قتال
سؤال..بسألك إيه آخرة الأحلام ليلاتى واخدانى فى بحر من الأوهام
سؤال..بسألك إيه آخرة العذاب تاعبني ف سؤالي ياريت ألاقي جواب
سهيرة ليالى
سهيرة ليالى طايرين للعلالى نجم الليل في الليل يناديلنا ويغنيلنا
في ليالي المدينة للأحباب نادينا هلوا واتلاقينا بالفرحة ف عينينا
ونجم الليل صحى ف مواويلنا شوقنا وميلنا
نجماية هوانا سهرانة معانا وقلوبنا الصبية بالحب ملالية
وهوا الليل على شاله يشلنا وينزلنا
يا قمر الليالى ضوى لنا و لالى دى الدنيا دى بتنا و الاحلام شالتنا
و احنا الليل دربنا و سبيلنا و انتى دليلنا
مدى ايدك
مدى ايدك ادى ايدى دة الطريق زحام
خلى قلبك ويا قلبى هاتهون الالم
انا وانتى يا حبيبتى حلم من الاحلام
دى المدينة عيون حزينة ما بتعرف تنام
احنا عايشين جوة بعض ميت سؤال ماهمش رد
مد ايدك يا حبيبتى دة الحنين مالهش يد
الزحام ملو الشوارع قلب رايح قلب راجع
عين تدور فى المفارق على الى راح منها وضايع
حلى ضافيرك
حلى ضافيرك للهوى واتميلى فى بحور الهوى وغنى للحب الى جمعنا سوا
خلى ضافيرك فى الهوى تطير تطير ورفرفى لنسمة بلشعر الحرير
ولملمينى ولملمى قلبى الاثير... كسير جريح وانتى الدوا حلى ضافير فى الهوى
مركب هوانا فى الهوى حلى الشراع رايحين سوا لبلاد ما تعرفش الخداع
وداع يا ليل الحزن يا سنين الضياع ضل الاسى داب وانطوى..حلى ضافيرك للهوى
حلى ضافيرك فى الهوى ويا القلوع وخدينى ودينى لبلاد ما فيهاش دموع
وما دام ناوينا على الطريق ما فيناش رجوع مهما الهوى زام واتلوى حلى ضافيرك فى الهوى
عروسة النيل
يا عروسة النيل يا حتة من السما يالى صورتك جوة قلبى ملحمة
احنا لو مرة نادينا
تجري على اصغر مافينا
من ورا الليل والمعابد
والكنايس و المساجد
تحضنينا وتحكي لينا
تصغر الدنيا في عنينا
وانتي يا شمعه
يا قايدة في قلبنا
ياعروسة النيل ياحتة من السما
احنا ياعروسة شبابك
تكتبي نقرا كتابك
تتعبي بنشيل عذابك
تأمري بنكون جوابك
واحنا صافيين زيك انتي
انتي دايما باقية انتي
صافية زي الشمس
طاهرة زينا
ياعروسه النيل
تعيشي يامصرنا
أفتح زرار قميصي
أفتح زرار قميصي للنسمة و للأماني
و أنور فوانيسي و أملى العالم أغاني
باغني للسعادة وباغني للرضا
والغنوة كل ما ده تعلا وتملا الفضا
أه يا هوى ياسيسي إنت لساني وحصاني
بافتح زرار قميصي واملا العالم أغاني
باغني للحقيقة و باغني للانسان
و غنوتي الرقيقة بتنور لي الزمان
أه يا هوى ياسيسي إنت لساني وحصاني
بافتح زرار قميصي واملا العالم اغانى
غريبة
غريبة غريبة غريبة ومش غريبة
انى اكون ويا الحبيبة دنيا مبتسمة ورحيبة
وفجأة اكون زى القلوع ساعة الغروب مروحين
بلا شطوط ولا حنين وانطفى فى الحال من غير سؤال
غريبة غريبة غريبة ومش غريبة
انى اكون فى لحظة مخيفة خبر كان وسط الصحيفة
وفجأة اكون زى السطور المليانين بحاجات كتيرة منورين
وانطفى فى الحال من غير سؤال
غريبة غريبة غريبة ومش غريبة
انى اكون فى خطوة بريئة لما ادور على الحقيقة
وفجأة اكون زى الجنون جوة العيون ملهش كون كلهش لون
وانطفى فى الحال من غير سؤال
اكلم القمر
اكلم القمر ..... تنورى
اكلم الشجر ..... تزهرى
و فى لحظة الضياع ..... بترحلى
و فى لحظة السمر ..... بتحضرى
تتصورى ..... تتصورى
اصاحب الدروب ..... تتبسمى
اودع الغروب ..... تتألمى
و فى لحظة الوداع ..... تأربى
و فى لحظة اللؤا ..... بتبعدى
تتصورى ..... تتصورى
تضيع منى الحروف ..... تكملى
الف ياما و اشوف ..... تتأميلى
و يضيع منى الكلام ..... تتكلمى
نرسم شكل الحياه ..... و ترسمى
تتصورى ..... تتصورى
اكلم القمر ..... تنورى
اكلم الشجر ..... تزهرى
و فى لحظة الضياع ..... بترحلى
و فى لحظة السمر ..... بتحضرى
شبابيـــــــــــــــــــــــــــــــــــــــك
اليلة ياسمرا
اليلة اليلة اليلة يا سمرا اة يا سمارة اليلة يا سمرا
لا انا كونت برة ولا مهاجر انا الى جايلك من باكر
قلبى ولا البحر الهادر عينى ولا الجمرة اليلة
...
خلى الندى من احلامك يسقى النبات من ايامك
حطى الى خلفك ادامك تلقى البلد عامرة اليلة
...
اليل يصبح ويمسى واتفكرينى واتنسى
شميت هواكى لقيت نفسى يا طيبة وصابرة اليلة
******
البنت قالت فستانى منشور على الشط التانى
خدنى المركبى وعدانى ورجعت فى القمرة اليلة
...
يالى صافحتك بغوايش عايش ولا لغيرك عايش
قلبى ولا البحر الطايش عينى ولا الجمرة اليلة
...
قال فينا غنوة وحدوتة قال مافيناش قولة توتة
ماهياش عجينة وملتوتة كل القلوب حمرا اليلة
...
دة العنجريف الى جنيتة سبع سنين استنيتة
على الجريد الى رميتة هتظهر السمرا اليلة
شبابيك
شبابيك الدنيا كلها شبابيك والسهر والحكاية والحواديت
كلها دايرة عليك والكلام كان كان عليك
والى كان خايف عليك انتهى من بين اديك
دى عنيك شبابيك والدنيا كلها شبابيك
سرقت عمرى من احزانى سرقتة لكن ماجانى
ولا حد شاف فين مكانى ورى الشبابيك
غيرت ياما كتير احوالى وانا كونت عاشق وكان يحلالى
احب بس يكون حلالى ورى الشبابيك
انا بعت الدموع والعمر طرحت جناينى فى الربيع الصبر
وقولت انا عاشق سقونى كتير المر ورى الشبابيك
دى عنيك شبابيك والدنيا كلها شبابيك
شجر اللمون
كام عام ومواسم عدو وشجر اللمون دبلان على ارضة
وفينك بينى وبينك احزان ويعدو بينى وبينك ايام وينقضو
شجر اللمون دبلان على ارضة
فينك انا من غيرك انا مش عاقل ولا مجنون
انا مطحون والدنيا دى رحاية وقلبى حب الحب وحباب عيونة
وكل شىء بيتسرق منى العمر من الايام والضى من الننى
وكل شىء حوليا يندهلى جوايا بندهلك يا ترى بتسمعنى
وفينك بينى وبينك احزان ويعدو بينى وبينك ايام وينقضو
شجر اللمون دبلان على ارضة
