الرئيسية
السلام عليكم ورحمة الله وبركاته .
ازيكم يا شباب .
النهارده انا جايب سؤال .. جاوب بصراحه .
والاجابه مش هنعتبرها غرور .
انا عايز كل واحد يعتبر نفسه قاعد مع نفسه .. ولوحده خالص .. قدام المرايا .
بص لنفسك كده .. انت شايف نفسك ايه ؟ .. وانتى شايفه نفسك ايه ؟
شايف نفسك وسيم ؟ .. شايفه نفس جميله ؟ .
قوللى اه ولا لا .. واكيد كل واحد عارف هو ايه .. محدش يقولى اصل ومش اصل ..
انت شايف نفسك وسيم ولا لا .. وانتى شايفه نفسك جميله ولا لا .. متخافش
مش هنعتبر اجابتك غرور .. لا سؤال ومحتاج اجابه وخلاص .
طيب اللى شايف نفسه مش وسيم واللى شايفه نفسها مش جميله .
وده مش عيب ... قال رسول الله صلى الله عليه وسلم ( كل خلق الله جميل ) .
انا قصدى ملامحك فى رايك شايفها جميله .. وسيم وبتاع وشعر مسبسب .
وانتى شايفه العيون والرموش الكلام ده .. ولا لا .؟؟
واللى شايف نفسه مش وسيم .. طيب انت شايف جمالك فى ايه ؟؟
وانتى يا اللى شايفه نفسك مش جميله .. طيب ربنا عوض جمالك بايه ؟؟
طيب ده الجزء الاول .. الى هو جمال الشكل .
طيب انت شايف نفسك وانتى شايفه نفسك .. روحك حلوه ؟؟
دمك خفيف .. ولا مقفول .. مبتعرفش تهزر .. فى اى قاعده تبقى ساكت ..
بتفهم النكت .. ولا ملكش فيها .. ومبتضحكش عليها ومش شايف فيها حاجه تضحك
ولا ما بتصدق النكته تبدا عشان تفضل تضحك عليها .
طيب ضحكتك .. حلوه ولا ضحكه وقوره .. ولا ضحكه معلش بارده ؟؟؟
ولا مجنونه ..
كل واحد يجاوب بصراحه .. ومن غير ما يغالط نفسه .
وانا هابدأ بنفسى ..
انا شايفة نفسى معتدلة الجمال يعنى موش جميلةو ومش قبيحة ، دمى خفيف روحى حلوة بس بميل للسكوت ف معظم الاحيان بس ساعة الضحك مبعرفش اعمل استوب لنفسى وضحكتى مجنونة ف حدود الادب :22
بس الحمد لله عمرى ما كنت بارده
هيه شباب وبنات المنتدى .... اخبراكم ايه قدام المرايا .؟؟؟؟
