رسائل إلى شخص لا يعرفه سواك

بعرف انك عم تشوفنى و عم تسمعنى

بتعرف بشو عم فكر بتعرفنى اكتر ما بعرف حالي

بس انا ما عم جرب اتعرف عليك لو شوي زغيرة

بحسك قريب منى و معي بكل مكان

بنفس الوقت عم حس انى عم ابعد عنك

مع انك بتحققلي كل شي بتمناه

بس انا ما عم قدم شي بالمقابل

كتير زعلانه من حالي

و بعرف هالشي ما بيكفى

متل ما كنت دايما معي بدي تضل معي

و تساعدنى لاقرب منك اكتر و اعرفك اكتر

و استحق كل الاشيا اللي عطيتنى ياها

الحياة احيانا بتسرق الانسان من نفسو

و كتير هالحياة بتتعبنا بقصصها و همومها

بس بعد كل هالتعب كل واحد فينا بيرجع لحالو و بيرجع للناس اللي بيحس معهن

بالراحه

انا بدي لهدول الناس

انو هنن صارو جزء منى

اد ما بعدت عنهن اكيد برجع

لانهن شي حلو بحياتي ما بتخلى عنو شو ما صار

ما بتزكر منك الا اليوم اللي رحت فيه

لسا مخبيه بخيالي اللي كان وقتا زغير تفاصيل هداك اليوم

ما بيروح من بالي

كتير حاولو يقنعنوني بشي غير الحقيقه اللي كنت عم شوفها قدامى

كانو مفكرين ازا زغيرة ما بعرف شي و بسدق شو ما انحكى

انا ما سدقتهن و بنفس الوقت ما كان بدي سدق الشي اللي صار

بس لما كبرت صرت اعرف انو في بالحياة اشيا لازم نقبل فيها و من غير ما يكون

النا اي راي

كل ما بتخيل وجوه الناس بهاليوم بيرجعلي نفس الاحساس

بزعل كتير و ببكى

بس الشي اللي بيعزينى انى بحسك جنبي على طول

و انك عم تحرسنى

مع انك بعيد عند النجمه و يمكن ابعد

شكرا ع الورد

اليوم مترددة كتير و انا عم اكتب

يمكن لانو اخر مرة

رسالتى اليوم لشخص حتى انا اكتشفت انى ما بعرفو

ما فينى قول لوم و لا عتب و لا شكر

يمكن لانى افكاري ملخبطه ما بعرف من وين ابدا او شو بدي قول

انا بدى قول لهاد الشخص انو اناني و لئيم

ما بيحس بحدا و لا بيقدر مشاعر حدا

ما بيقدر وقفة الناس جنبو

بندم كل لحظة عرفتك فيها و على كل كلمه قلتلك ياها

بتمنى اعرف انت شو بتقول عن حالك

او كيف بتشوف حالك

ما بتخجل من نفسك لما تطلع بوشك ع المرايه

انت ما بتستاهل اي شي

انت اصلا و لا شي

كنت زمان كل شي عندي

خسرت كتير شغلات بسببك و انا ما بسامحك

وكل مرة كنت بررلك اغلاطك بس هلا خلص ما بئا فينى

حسبتن كم مرة قلت انى بكرهك؟

بتعرف شو يا ريت اقدر اكرهك كتير

بتمنى انك تموت

بحس انى لح ارتاح وقتا

ما بعرف شو لسا بدي قول

يا خسارة بس

عنجد يا خسارة

ميرسي على زوءك رندا