مـنــتدى أصــدقــــــاء فــــلــفـــل
اهلا بك ضيفنا الكريم. يرجى تسجيل الدخول
او إن لم يكن لديك حساب لدينا يمكنك التسجيل فى المنتدى
مـنــتدى أصــدقــــــاء فــــلــفـــل

مــنـــتــــدى اصـــدقـــــاء فـــــلـــفــــل

تصويت

ما رأيك فى المنتدى ؟؟

0% 0% [ 0 ]
24% 24% [ 11 ]
16% 16% [ 7 ]
22% 22% [ 10 ]
38% 38% [ 17 ]

مجموع عدد الأصوات : 45


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

معتقدات شاميه

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1default معتقدات شاميه في 19/4/2010, 5:32 am

semsem

avatar

معتقدات شاميه



* اذا انكسرت كاسة بيقولوا: انكسر الشر (تقولوا الشر مخلوق من الزجاج)





* اذا مر حدا فوق الطفل ما بقا يطول

( انو اذا طفل صغير متسطّح(نايم) ما بصير حدا يمر من فوقوا

ليشششش لان ما بعود بيطول الولد بيطلع قصير؟؟!!!

و متل ما بقول المتل فشخة حية ولا فشخة بنية)





* قص الاظافر بالليل مو منيح (جيد)

(لا تسألو ليش ما بعرف ولا حدا بيعرف بس مو منيح و خلص )





* مراششة الميه فراق (ما بصير حدا يرش رفيقو بالمي

لان بعدين بيتفرقوا اي شو عم يرشه بالزيت كاز )





* للي بيفوت على بيت جديد بيفوت معه عرق اخضر و

مقص و مصحف و يدخل بالرجل اليمين

(واللي بيعمل غير هيك بيتحول لسعدان (قرد)!!)





* اذا اجت الكندرة فوق الكندرة يعني رايحين مشوار

(واذا اجت تحتها يعني راجعين من المشوار ؟؟!!)
* اذا زحف الولد او زقزقت العصافير معناها جاينا ضيوف


(وبهيك حالة لازم توقفوا ورى الباب لانهم بكونوا طالعين عالدرج)





*اذا طنت ادنك اليمين حدا عم يحكي عنا بالمنيح و

اذا طنت اليسار معناها حدا عم يجيب سيرتنا بالعاطل

(واذا طنوا مع بعض معناتها طرشت عليك العوض)



* اذا رفت عيني اليمين بيكون جاينا خبر طريف
*اذا رفت عيني الشمال بيكون جاينا خبر مو منيح


(اما اذا رفوا سوى فأنت اكيد احول)





* اذا حكني حاجبي معناها بدنا نستقبل حدا جاي من السفر





*إذا حكني كفي اليمين معناها بدي أقبض مصاري



*و إذا حكني كفي اليسار معناها بدي أدفع مصاري

(اما اذا حكك شي تاني بقى فأنت اكيد جربان روح تحمم)





* و ما بصير الحمام بالليل (طبعا شي بديهي لأن اكيد المي بتكون مقطوعة)





*و ما بينفع كب المي بالبلوعة بالليل من غير التسمية بالله و

الاستعاذة أولا (يالطيف مشان ما يأذونا ولا نأذيهن)

بس عرفتوا مين هدول؟؟؟؟؟؟؟؟؟؟؟؟؟؟............

ولا انا !!!!





*وإذا عمل العصفور تحتو على الأواعي يعني جاييكون رزقة

(وما لازم تغسل ملابسك شي سنة مشان الرزقة)





*و دلق القهوة رزقة وكمان نفس الحكي خليها مدلوقة لا تمسحها





*و شرب المي بعد القهوة قلة زوء (حتى لو اتشردقت موت ولا تشرب مي )





* كمان يلي حامل بصبي بتحلا واذا حامل ببنت بتتباشع





* وإذا الطفل قعد بالصينية وهي عالأرض بيرتعبوا

لأنه هاد الولد رح يضيع (ويمكن يتشرد هاد اذا ما طلع حرامي كمان )





* و كمان إذا حدا صبلك شاي او قهوة وملى الفنجان كتير

بكون قلبوه مليان منك واذا صبها ناقصة هدا دليل على انو هالشخص ناقص





*والي بيعدّ النجوم بيطلعلو تالولات بايدو (بس اذا حسن يحصيهم ما بيطلع شي)





*وبعد ما نخلص صلاة نطوي السجادة مشان

الشيطان ما يصلي عليها (خلّيه يصلّي بركدن يتوب ويصير يوسوسلنا بالخير!!)


++++++++++++++++++++++++++++++++++++++++++

==========================================
[ندعوك للتسجيل في المنتدى أو التعريف بنفسك لمعاينة هذه الصورة]

2default رد: معتقدات شاميه في 19/4/2010, 9:35 pm

lonely

avatar
هههههههههههههههههههههه

روعة روعة يا ايمن

انا عايشة بالشام وفعلا هيك بيصير هههههههههه

3default رد: معتقدات شاميه في 19/4/2010, 11:37 pm

semsem

avatar
شكرا لولنى لمرورك العطر


++++++++++++++++++++++++++++++++++++++++++

==========================================
[ندعوك للتسجيل في المنتدى أو التعريف بنفسك لمعاينة هذه الصورة]

4default رد: معتقدات شاميه في 20/4/2010, 4:02 am

LbooSH

avatar
ههههههههههههههههههههههههههههههههههه
* قص الاظافر بالليل مو منيح (جيد)

(لا تسألو ليش ما بعرف ولا حدا بيعرف بس مو منيح و خلص )




إمي هيك بتقلي

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى